Met sy nuwe boek, Santa Gamka, ondersoek Eben Venter liefde, “alhoewel op ‘n sydelingse manier”.
In sy vorige roman, Horrelpoot, het Venter die konsep van vrees ontgin, en sommige lesers het dit baie somber gevind. Daarom het hy dié keer oor ‘n ligter onderwerp geskryf, het Venter gisteraand by die bekendstelling van Santa Gamka by die Book Lounge in Kaapstad gesê.
Lucky, die hoofkarakter in Santa Gamka, is ‘n rent-boy wat die spel van die liefde ken, maar hy wonder ook oor wat liefde werklik is. Hy ontvang nooit liefde van sy pa nie. “Selfs as liefde aan hom aangebied word, wil hy dit nie aanvaar of glo nie,” het Venter gesê.
In ‘n manier is die boek ook ‘n refleksie op Suid-Afrika en in daardie opsig is dit wel soos Horrelpoot. Santa Gamka is gebaseer op die realiteite vir ‘n bruin kind in ‘n medium-groote Karoo-dorp. Dit is moontlik vir ‘n bruin kind om in hierdie realiteit na ‘n voormalige “wit” skool te gaan, mits die geld daar is.
Venter, wat al jare lank besonderhede oor die mense in die Groot Karoo opteken, is geraak deur die manier waarop kinders in hierdie dorpies “fier en trots in hul skoolklere lyk, maar as hulle nie vir hulself kanse in die lewe skep nie, kom daar niks van nie en sien jy hulle op een van daardie lorries met volstruise ry”.
Lucky is wat Venter ‘n “post-apartheid baby” noem en hy moet sy naam gestand doen deur sy eie geluk in die lewe te vind. Sy naam blyk egter ironies te wees as die boek begin waar hy in ‘n potterbakkersoond toegesluit is. Hy vertel sy verhaal vanuit hierdie posisie.
“Daar is twee goed wat Lucky, en die storie, dryf,” het Venter gesê. “Sy wil om nie weer te verval in armoede nie en ook nie in alkohol nie.” En die leser word meegesleur deur hierdie spanning tussen waar Lucky vandaan kom en wat hy wil word.
Kyk ook ‘n video waarin Venter verduidelik hoe hy in die kop van sy jong, bruin karakter geklim het.
Video: Eben Venter praat oor Santa Gamka
Galery
Book details
Please register or log in to comment
*
*
