Murray24 gesels met digter Lina Spies oor Die skyn van tuiskoms, pienk en die hiernamaals
Lina Spies se nuutste digbundel, Die skyn van tuiskoms is onlags deur Human en Rousseau bekend gestel en Murray24 het namens Die Burger by Spies gaan aanklop. Oor ‘n koppie tee gesels die twee toe lekker oor die bundel, die ouderdom, kinders en wat nog.
OP ’n reghoekige wit oppervlak teen die deur van ’n huis in die Stellenbosse buurt Die Boord verskyn die naam L. Spies in swart. En daarnaas ’n tekening van ’n kat waarvan die stert in die lug staan.
Die digter maak die deur oop. Wanneer sy sien die besoeker moet effens buk vir ’n bougainvillea-tak, versoek sy een van die mans wat besig is om veiligheidsheinings op te rig, om dit weg te snoei.
Die besoeker staan voor ’n boekrak. Deur ’n luik tussen die kombuis, waar sy besig is om tee te maak, en die leefvertrek sê Spies: “Dit verteenwoordig ’n paar van my groot liefdes: Die visuele kunste, plekke en katte.”
Boekbesonderhede
- Die skyn van tuiskoms: ‘n Keur uit die gedigte van Lina Spies saamgestel deur Johann de Lange
Boektuisblad
EAN: 9780798151443
Find this book with BOOK Finder!
Please register or log in to comment